Мөхөх шахаж байсан уйтгартай Японы сумо бөхийг амь оруулж, Монгол,
Япон байтугай дэлхийн анхааралд оруулж, дэлхийн чихийг дэлдийлгэсэн их
аваргын хувийн амьдрал, амьдрал, сумо бөх болохоор очсон, аварга болсон
замналын тухай дурсамж номоо бичиж худалдаанд гаргах тухай санал
дэлхийн өнцөг булан бүрээс шахуу ирж, Японы нэгэн алдарт зохиолч ном
бичих эрхийг нь асар өндөр үнээр авсан сурагтай.Тэрчлэн Мон-голоос нэг
зохиолч дурсамж номыг нь бичихээр нууцхан тендерт оролцохоор болж үзэг
цаас нийлүүлдэг хүн болгон оролцохоор битүүхэн бэлдэх болсон гэх.
Саяхан Сумогийн ертөнцөөс бүр мөсөн явж буйгаа зарлан дуулиан
дэгдээгээд байгаа Их аварга Асашёорюү Д.Дагвадоржийн ах МУ-ын аварга
Д.Сумъяабазар ч үндэсний бөхөөс албан ёсоор зодог тайлсанаа зарлаад мөн
л дуулиан тариад байгаа билээ. Тэрээр энэ тухайгаа "Би хүрэх ёстой
цолондоо хүрсэн. Монгол улсын Аварга цол надад хангалттай. Цаашид
барилдахгүй" хэмээн товч бөгөөд тодорхой тайлбарласан юм. Их Монгол Улс
байгуулагдсаны 800 жилийн ойгоор хэмээх түрүүлж Монгол Улсын Аварга
хэмээх эрхэм дээд цолонд хүрсэн Д.Сумъяабазар сүүлийн үед барилдахаасаа
илүүтэй улс төр болоод хувийн бизнест хүч үзэх болсон нь түүний
бэлтгэлд сөргөөр нөлөөлж аргагүйн эрхэнд зодог тайлж байгаа гэж түүний
ойр тойрныхон ч тайлбарлана билээ. 
