Одгэрэл хүмүүсийн "гижгийг" хүргэлээ - 2 April 2010

Загвар өмсөгч Э.Одгэрэл уг нь Монголын сайхан хүүхнүүдийн нэг. Гэвч яагаад ч юм загвар зохион бүтээгч Соёлмаа түүнийг нэг нүдээрээ ч хардаггүй. Ямар сайндаа л разеткан хамартайгаар нь дуудаж шар сонины бай болгож байхав. За энэ ч яахав.
Топ модель Э.Одгэрэл Драмын урлагийн шилдгүүдийг тодруулдаг "Гэгээн муза” наадамд морилон ирж эрчүүдийн төдийгүй хүүхнүүдийн нүдийг хужирласан юм. Тэрбээр "Оны шилдэг бүжиг дэглээч” номинацийг тодруулах хүндтэй үүргийг драмынхнаас авч хүрэлцэн ирсэн нь энэ юм билээ. Даанч түүнийг тайзнаа урьсан хөтлөгч бүсгүй нэрийг нь андууран загвар өмсөгч Болормаа гээд хэлчихсэн. Хөтлөгчийн андуу ташаа үг загвар өмсөгч бүсгүйг сандралд оруулсан нь уу эсвэл өөрөө тийм маягтай яръя гэж бодсон уу үгээ зөөж ядан бараг л дуулдахгүй шахуу намжирдан ярьсан нь олон хүний "гижгийг” хүргээд авсан. Бухимдуу нэг нь бүр энэ Одгэрэл маяглаад ярьж ч чадахгүй юм бушуу тайзнаас буугаасай гэж хэлж дуулдсан. Хөөрхий минь тэр өөрийнхөө дуу хоолойд дургүй бөгөөд яаж яриад байгаагаа ч ойлгодоггүй гэж нэгэн хэвлэлд ярилцлага өгсөн байна билээ. Тэгэхээр тэр дургүй хүргэсэн дуу хоолойгоороо л "Гэгэн муза” наадам дээр ярьчихсан байх нь.