 Одоогоос 5 жилийн өмнө "Алтжин” группийн тэргүүн хатагтай Г.Алтангийн
эзэмшлийн "Бөмбөгөр” худалдааны төв шатсанаар тэнд ажил үйлчилгээ явуулж
байсан 700 гаруй хүн амь амжиргаанаасаа салцгаасан билээ. Хоёр тэрбум
гаруй төгрөгийн өртгөөр босгосон "Бөмбөгөр” худалдааны төвөө зүгээр л
харж байгаад "хайлуулчихсан” Г.Алтан хатагтайд дээрээс нь өч төчнөөн
хүний барааны мөнгийг төлөх гээд ёстой "дээшээ тэнгэр хол, доошоо газар
хатуу” гэгч үйл явдал тохиолдсон. Ганцхан шөнийн дотор хамаг байдгаа
алдсан ч 2.5 сая долларын татварын өрөөс чөлөөлөгдөж, шуугиан дэгдээж
байлаа "Алтжин” групп 64 охин компанитай байсан. Худалдаа, барилга, зам
тээвэр, шатахуун түгээх станц, архи пивоны үйлдвэрлэл, газар тариалан
гээд төрөл төрлийн бизнес эрхэлдэг энэ хатагтай сүүлийн үед нам гүмхэн
амьдарч байна. Шатахуун түгээх станцуудаа Г.Батхүүд, архиныхаа
үйлдвэрийг Г.Өсөхбаяр аваргад зарж, хохирогч нарын мөнгийг төлсөн
хатагтай Алтан сүүлийн үед бизнесээс ангид суухаар шийдсэн бололтой.
Тэрээр үлдсэн жаахан бизнесээ дүүгийнхээ гарт даатгаж орхиод өөрөө
Сингапурт жаргаж сууна. Далайн эрэг дээр тансаг харш бариулж, хүүгээ
дэргэдээ авчихсан Г.Алтан захирал дээр "Мон-Уран”-ны Наранхүү байн байн
зочилж очдог тухай Сингад байгаа монголчууд ярьцгааж байх юм. Өдгөө
жаран насны босго руу алхаж яваа энэ хатагтай яг л хорин тавт шиг
залуухан, толиотой. Солонгос руу гоо сайхны хагалгаанд орохоор байн байн
нисдэг, энэ баян хатагтайг хөх, бөгс, нүүрэндээ олон төрлийн хагалгаа
хийлгэсэн гэж ярьцгаадаг. Загвар өмсөгч шиг биетэй, 18-тай охин шиг
царайтай болсон Г.Алтан Сингад гоо сайханчид цуглуулан нүүрээ илүүлж,
өдөр болгон наран шарлагын газарт тухалж, ёстой л жаргаж байгаа
|
