Жүжигчин С.Энхтуул маш чухал нэг зүйлээ Монголд үлдээгээд явжээ - 24 April 2010

Нэгэн цагт Монголын урлагийн тайзыг чимж явсан жүжигчин С.Энхтуул гэр бүлийн хамтаар Герман яваад удаж байгаа. Түүнийг ийнхүү яаран гэр бүлээрээ нөхрийнхөө нутаг руу явсан шалтгааныг "Нөхөр нь сайхан эхнэрээ Монгол залуустай хардаад амар тайван байлгахгүй болохоор Герман явсан” гэж тайлбарладаг. Харин түүний дотны найзууд болохоор "Туул маань хүүхдүүдийнхээ боловсролд анхаараад Герман явсан” гэдэг. Ямартай ч өөрийнхөө нэр төр, алдар гавъяа бүхнийг орхин харийн орныг зорих шалтгаан жүжигчин бүсгүйд байсан байх. Гэхдээ элит гэж нэрлэгддэг гэр бүл маань явахдаа нэг чухал зүйлээ мартсан нь "Зоос” банкнаас авсан 260 сая төгрөгийн зээл байлаа.

Тэр нь явсаар банк дампуурахад -03 хувийн үүрэг нөлөөтэй эргэлзээтэй зээлийн тоонд орон "Зоосыг дампууруулсан томоохон зээлдэгч нарын нэгд тооцогдож яваа. Энэ зээлийг "Зоос” банкнаас анх 2007 оны аравдугаар сарын 22 нд "Хаан брой” гэсэн зээлдэгчийн нэртэй 2401093338 гэсэн дансны дугаартайгаар авсан байдаг. "Зоос” банкнаас авсан зээлээ яг жилийн дараа буюу 2008 оны аравдугаар сарын 22 нд буцаан төлөх ёстой байсан. Гэтэл эзэд нь гадаадад амьдрахаар явсан учир банкны зүгээс энэ зээлийг эргэлзээтэйд оруулжээ. Уг нь бол зээлдэгчид бас ч гэж таг алга болчихоогүй энэ сарын 22 хүртэл зээлээ сунгасан юм билээ. Гэхдээ сунгасан хугацаанд нь банк нэгэнт дампуурсан учир "Зоос банк”-ны өр барагдуулах албаныхан энэ зээл эргэн төлөгдөнө гэдэгт итгэхгүй байгаа юм билээ. Ямартай ч жүжигчин бүсгүй маань энэ асуудлаа шийдэхээр тун удахгүй гэр бүлийн хамтаар ирэх болов уу.

Л.Оюу