Нүүр хуудас » 2010 » 5-р сар » 31 » УГЖ Ж.Сүххуяг цус харваж эмнэлэгт хүргэгджээ
12:08
УГЖ Ж.Сүххуяг цус харваж эмнэлэгт хүргэгджээ
Батмөнх даян хааны бие чилээрхжээ. Урлагийн тайзыг эзэгнэж аархаж,
гайхуулж явсан үе түүнд бий. 25-хан насандаа Батмөнх хааны дүрээр амьд
хөшөө дурсгалаа босгосон түүнд монголын төр цусан гавъяаны улаан тугийн
одон зүүж, хоёр өрөө байр бэлэглэж байв.. Театрын гадуур лааз өшиглөж,
гашуун ундаанд дурлаж, эхнэрийнхээ үхэлд буруутгагдан аавын хаалга
хүртэл татаж явсан түүний амьдралын түүхээр уран бүтээл хийвэл тун
сонирхолтой бүтээл гарна. Монголын ард түмний хайр, талархлыг хүлээсэн
жүжигчин Ж.Сүххуяг "Ганц худаг”-аас цагаадаж гарсаныхаа дараахан цайны
хань түшиж, тал болсон амьдралаа бүтэн болгосон. Уран бүтээлээ
үргэлжүүлж "Хэцүү анги” киногоор дахин урлагийн тайзан дээр гарсан
түүний амьдралын алдаа оноон дунд зэврээгүй авъяасыг нь төр үнэлж,
Монгол улсын Ерөнхийлөгч Ц.Элбэгдорж "Ард түмний гавъяат” цолыг нь
жинхлэн Монгол Улсын Гавъяат жүжигчин цолоор энгэрийг нь цоолсон.
Харамсалтай нь амьдрал хүнд амсхийх чөлөө өгдөггүй юм хойно охид нь өсч,
амьдрал нь тэгширч яваа гавъяатын бие чилээрхэж, эмнэлэгт хүргэгджээ.
Зуурдаар хорвоог орхисон ханиасаа хойш дэрсхэн хоёр охиноо хоолонд нь
хүргэхээр эмчлүүлж сувилуулах нь битгий хэл бүтэн нойртой ч хонолгүй
амьдралын төлөө зүтгэсэн Ж.Сүххуяг гавъяат тал цус харваж ар гэрийнхнээ
сандаргажээ. Гавъяатын бие тааруухан байгаа бөгөөд гэрээрээ эмчлүүлж
байгаад өчигдрөөс эмнэлэгт хүргэгдсэн сурагтай. Урлагийн тогооноос хоол
халбагдаж, жаргал зовлонгоо хуваалцаж өдий хүрсэн цөөн тооны нөхөд нь
гавъяатын эргэж тойрч байгаа аж.
Ангилал: Хэвлэл мэдээлэл |
Үзсэн: 1096 |
Оруулсан: sonjuur
| Үнэлгээ: 0.0 /0
Нийт сэтгэгдэлүүд: 2
Comments display order:
By default
New comments first
Old comments first
Сэдэв ]
2 . | Бичсэн: 2010-06-03
Хариу :
Сэдэв ]
1 . | Бичсэн: 2010-05-31
Хариу :
Ням, 2024-05-12, 04:35Зочин
