“03:30” киноны залуус сүнстэй учирсан уу? - 25 June 2010

Уран бүтээлийн нэгдэлүүд дундаа залууханд тооцогдох "Шинэ Ертөнц”-ийнхөн 2 дахь бүтээл болох "03:30” нэртэй сэтгэхүйн аймшигийн киног хийж дуусгажээ. Анхны кино нь "650” нэртэйгээр үзэгчдийн хүртээл болж байсныг та бүхэн тодхон санаж байгаа байх. Нэг хачирхалтай зүйл гэвэл, аймшигийн кино болоод ч тэр үү "03:30” киноны зураг авалтын явцад уран бүтээлчдэд эвгүй явдлууд тохиолдсон тухайгаа тэд нуусангүй. Үүний нэг жишээ нь гэвэл, Киноны чухал нэг объект болох ачааны лифт тэдний ажилд нэлээд саад болж байсан гэнэ. Ямар ч шалтгаангүйгээр гэрлийн чийдэнгүүд буудаж, унтрах, цементэн ханан дээрх "Анхаар гүйдэлтэй” гэх бичиг хэний ч сэтгэлд айдас төрүүлнэ.Тэд ажлын материал болгон лифтний хэд хэдэн фото зураг даржээ. Лифтийг хоосноор нь зураг авахад нэг л цулгуй харагдах учир тамхины утаа байх хэрэгтэй гэж фото зурагчин тэдэнд хэлжээ. Тэд тамхины утаа үлээгээд бушуухан холдоцгоож, цөөхөн хэдэн кадрыг дарж амжсан байна. Тэр кадруудын нэг болох энэхүү фото зургийг сайтар ажиглавал тамхины утаа нь хүний хохимойн дүрсийг харуулж байна. Ийм дүрс гарсныг хараад уран бүтээлчид багагүй сандарчээ. Учир нь тэр лифтэнд 1980-аад онд ажлын хариуцлагагүйн улмаас нэгэн хүн амиа алдаж байсан түүхтэй юм байна. Харин "03:30” киноны залуус сүнстэй учирсан юм болов уу??? Үгүй бол энэ яг юуг харуулж байна???
Ямартай ч уншигч та бүхэн энэ зурган дээр гарсан дүрсийг хараад өөр өөрийхөөрөө хүлээн авна биз ээ...