“Sweetymotion” хамтлагийнхан урлагийн сургууль цогцлооно - 14 July 2010

"Sweetymotion” хамтлагийг АНУ-аас хүрэлцэн ирэхэд фенүүд нь тэднээс хамгийн түрүүнд та бүхэн Монголдоо уран бүтээлээ туурвиж болохгүй юм уу, буцаад АНУ-руу явах хэрэг үү гэсэн асуултыг ихээр асууж байсан. Тэгвэл "Sweetymotion” хамтлагийнхан болон продюсер Б.Чинбат нар Монголдоо суурин байна гэсэн эцсийн хариултаа өглөө. "Эмоушн” нэртэй дөрөв дэх бие даасан шинэ цомгоо гаргаад удаагүй байгаа тэд цомогтоо багтсан 13 дуундаа бүгдэд нь клип хийлгэж үзэгч, сонсогчдынхоо хүртээл болгоно гэсэн ойрын зорилтоосоо бидэнтэй хуваалцлаа. Харин ирээдүйд бүтээх хамгийн томоохон зорилтуудын нэгэнд нь сурч мэдсэн зүйлүүдээ ашиглан мэргэжлээ ажиллах бодолтой байгаа гэсэн. Энэ нь Монголдоо урлагийн томоохон сургууль цогцлоож тэндээ багшлах юм. Хамтлагийн дуучин Ганболорын гэр бүлээс бусад нь бүгд урлагийн гэр бүлтэй учир томоохон урлагийн сургууль байгуулан ажиллахад төвөггүй биз.