Анхны маань нийтлэл олон хүнд таалагдаж олон сайхан санал сэтгэлүүд
үлдээсэн байна. Би та бүхний санал шүүмжийг
баяртайгаар хүлээн авч санал бодлоо дуртайяа хуваалцахад бэлэн байна
гэдгээ илэрхийлье. Мөн хэлсэн байна л
даа ярихаас цаашгүй хүмүүс зөндөө болж одоо, хийх нэг өөр хэлэх нэг өөр гэж...
Тиймээ тун зөв. Гэхдээ нэг үг би сонсож байсан юм. Юу вэ гэхээр хамгийн муу,тааруухан
төлөвлөгөө ч огт төлөвлөгөөгүй байхаас илүү.Тиймээс ярьж хэлэлцэж байж л үр
дүнд хүрнэ байх гэж би бодож байна. Та бүхний санал шүүмжийг for.emailing.to@gmail.com
хүлээн авах болно.
Энэ удаад би мэргэжлүүдийн талаар өөрийн бодож явдаг сэтгэгдэлээ
бичихийг зорилоо. Мэргэжил бүхэн
сайхан... Тиймээ өнөөдөр оюутан залуус маань өөрийн хүссэн мэргэжлээрээ
суралцаж эх орныхоо хөгжил дэвшилд хувь нэмрээ оруулахыг зорьж байна. Гэхдээ
Монгол улсын маань өнөөгийн нийгэмд зарим нэгэн боловсон хүчин дутмаг санагддаг.
Эрт дээр үеэс дэлхий дээр олон мянган улс оршин тогтнож бас мөхөж ирсээр
өнөөгийн 7 тэрбүм орчим хүнтэй 220 гаран улс орон хаяа хаяагаа дэрлэн оршиж
байна. Аливаа нийгэмд(улсад) давхараа гэж нэг юм бий.Энэ нь яг хүний араг ястай
адилхан хоорондоо уялдаа холбоотой,нэг нь байхгүй бол нөгөөх нь ч байж
болдоггүй эсвэл зүй тогтол нь өөрчлөгдөж болохгүй тийм нарийн бүтэц юм. Харин
манай нийгэмд "толгой᠌” болох гэсэн хүмүүс олон юм
шиг ажигдлаа. Энийг цагаан цамцтаны давхараа ч гэж нэрлэдэг. Монголд тийм олон
цагаан цамцтан байхад өнөө нийгмийг авч явдаг ажилчин анги буюу хөх цамцтануудын
давхараа хаа байна аа???Бүгд их дээд сургууль төгсөөд зарим нь бүр дипломны гол
болж төгсөөд хийх ч ажилгүй бэлэнчлэх
гээд хэвтээд байвал хэн гудамж талбай цэвэрлэж хэн зүлэг мод тарьж ургуулж хэн биднийг хамгаалж хэн биднийг эмчлэх юм бэ
хэн энэ нийгмийг нийгэм шиг авч явах юм бэ. Аль ч нийгэмд хүн амын тодорхой хувьтай
нь тэнцүү тооны эмч сувилагч цагдаа мужаан засварчин... байж нийгэм гэдэг
юм чинь тэнцвэрээ хадгалдаг. Харин
Монголын их дээд сургуулиуд нийгмийн
эрэлтээ хэд дахин давсан эдийн засагч, ня-бо, санхүүч гэх мэт бэлтгэн
гаргаад, тэд нарын цөөн хувь нь өөрсдийн мэргэжлийн дагуу ажилж чаддаг. Үлдсэн
нь яах вэ гэдэг нь тун бүрхэг. Тэгсэн хэрнээ цагаан цамцтанууд маань Солонгос
улсыг зорьж "хөх
цамцтан ” болж
хувирдаг. Энэ юунаас болоод байна гэвэл нийгмийн бодлого маань л буруу явагдаж
байна гэсэн үг. Бид өнөөдөр 76-а муулаал суугаад байж болохгүй. Тэд бидний
дундаас л сонгогдож гарч ирсэн. Өөрчлөе гэвэл мөн адилхан л 76 гарч ирнэ.
Тиймээс нийгмийн ухамсарыг нийтээр нь өөрчилж байж энэ бүхэн бага багаар арилах
байх гэж миний хувьд бодож байна.Тэр 76-г хаа нэгтээ өөр улсаас манай улсад томилоогүй,та
бидний нэг л шүү дээ. Тэднийг гэхдээ өмөөрсөн хацайлсан утгаар энийг бичээгүй
юм шүү. Ботаник мэргэжилтэн сайн бэлтгэдэг улс орон өнөөдөр элсэн цөл дээр хот
барьж, Монгол орны хөрснөөс үржил шимээрээ маш муу хөрсөн дээр ногоон хотхон
босгож байна хүмүүсээ цаана чинь.Энэ бол хамгийн энгийн жишээ. Дэд бүтэц гээд
яривал бүрч сэтгэл гонсойлгомоор зүйлүүд гарч ирнэ. Бидний аав ээжийн үед ихээр
суралцдаг байсан ТМС-ууд одоо үгүйлэгдэж байна энэ нийгэмд.Тиймээ мэргэжил
бүхэн сайхан. Хүн ажлыг голохоос ажил хүнийг хэзээ ч голдоггүй юм шүү
залуусаа... Заавал дээд боловсрол эзэмших албагүй, хамгийн гол нь мэргэшсэн ажлаа
чин сэтгэлээсээ хийж байж амжилтанд хүрнэ гэхэд би итгэдэг.
Г.Чинзориг
|